Rassies laat die rekords spat!

Verskeie rekords is verlede week by Ellisras Hoërskool se interhuis atletiek byeenkoms gegebreek.
Johanè Pistorius (foto) het drie rekords gebreek in die dogters o/14  spiesgooi 32,51m - rekord van 1982, diskus 33,07m van 2003 en gewigstoot 11,58m van 2007. Sy het ook tydens die prysuitdeling ses trofees ontvang vir: beste prestasie veldnommer (diskus), beste prestasie spiesgooi, beste individuele item asook beste prestasie gewigstoot en skyfwerp. Met hierdie prag vertonings word sy as Victrix Ludorm aangewys.
Christiaan Kruger (Senior Victor Ludorum) verbeter die 110 m hekkies s/o 16 - 15,15s. Lourens Putter verpletter twee rekords in s/o 19 diskus 42,80 en gewigstoot 13,90m. Phillip Maritz breek ook die rekord van s/o 19 gewigstoot 14,87m. Gewigtige manne hierdie!
Albert Jordaan verbeter die rekord in 400m hekkies s/o 19 en Ruan Booyse die 110m hekkies s/0 19. Ignus le Roux en Gerrit Peens verbeter die 3000m vir s/o 17. In totaal 11 rekords!
Marnè Wolstenholm word aangewys as die Senior Victrix Ludorum en wen die beker vir beste prestasie individuele naellope. Johan Pitout raap die Junior Victor Ludorm voor gedugte teenstanders se neuse weg.
Beste prestasie in die veld  het gegaan aan Johanè Pistorius d/o 14 diskus 13,07m en beste prestasie op die baan aan Marnè Wolstenholm 400 hekkies o/17 63.04
Dit was ‘n opwindende dag vir almal met die Matommas wat die opkoms vir dirigente gewen het en die Machaukas wat die beste atletiekspan was.