Piet Pot hou Valentynsdans

Op die vooraand van Valentynsdag verlede week het Hoërskool Piet Potgieter sy jaarlikse Valentynsdans by die skool aangebied ter fondsinsameling vir die matriek afskeid.  Die skoolterrein rondom die saal is versier met liggies en kerse in reuse blakers en lanterns.  Silwer sterre is met rooi linte aan die bome gestrik en paartjies kon deur ‘n wit tuinboog na die saaldeure toe stap.
Op die verhoog het die trone en geskenke gewag vir die aankondiging van Mnr. en Mej. Valentyn.
Me. Nadia Human van Rensburg, besigheidsvrou en entrepreneur het die aankondiging gedoen, nadat sy ook die paneel van beoordelaars gelei het.  Die uitslag was as volg:
Mej. Valentyn Junior is Betty Langa en haar prinsesse is Bianca Koekemoer en Cecilia Engelbrecht.
Mnr. Valentyn Junior is Marnus Uys en tweede en derde is Renaldo van Wyk en J.D. Vorster.
Simonè van Wyk is Mej. Valentyn Senior en haar prinsesse is Mia Phipps en Danèl Venter.
Christo Grovè is Mnr. Valentyn Senior en John-John van der Kolff (tweede) en Adrian Maritz (derde).