Bewustheidsveldtog om renosters te red

Hoe verder hy loop, hoe swaarder word die veselglasrenoster wat Anton Fouché van Pretoria al langs die N1-snelweg tot in Musina sleep. Die swaar lê in die rooi kolle op sy veselglasreplika wat elk nóg ‘n renoster verteenwoordig wat in Suid-Afrika geskiet is.
Anton het op 19 Augustus by die Kolonade winkelsentrum in Pretoria begin stap met die renoster wat hy op ‘n trollie saamsleep.
Die staptog is deel van ‘n veldtog genaamd ‘Lenaka la Tshukudu’ - Save our Rhino’s. 
Anton streef daarna om fondse in te samel vir die stryd teen renosterstropery en te gelyktydig die publiek van die renosters se lot bewus te maak en by die stryd te betrek.
Hy het verlede Donderdag in
Mokopane aangekom waar hy by die Maxis restaurant middagete geniet het en met die inwoners gesels het oor sy projek.
Maxis Mokopane het ook hierdie week ‘n insamelingsprojek gehou om tot die Lekana la Tshukudu fonds by te dra.
Vrydag was dit Hoërskool Piet Potgieter se beurt en het die leerders het met ‘n muntlegging R1152.65 vir die projek ingesamel.