Versteekte wapens gevind

Tel­kom-kon­trak­teurs het op ver­skeie ver­steek­te wa­pens buite Mook­go­phong af­ge­kom. Dié wa­pens is on­ge­veer 6km buite Mook­go­phong op die Roed­tan-pad ge­vind op Vrydag, 27 September. Die wa­pens, be­staan­de uit onder meer 'n R1-ge­weer, 'n 9mm-pis­tool, vier re­wol­wers, vyf rook­gra­na­te en 935 rond­tes am­mu­ni­sie is deur Tel­kom-kon­trak­teurs ge­vind ter­wyl hulle be­sig was met her­stel­werk aan te­le­foon­pa­le wat in die vo­rige week se veld­brand be­ska­dig is.

Vol­gens ’n werk­nemer van Tel­kom op Mook­go­phong, wat anoniem wil bly, het die wa­pens binne die pad­re­ser­we naby ’n wild­hein­ing ge­lê. Van die wa­pens is ook in die brand be­ska­dig en die meeste is ge­roes. Die po­li­sie is on­mid­del­lik in ken­nis ge­stel en ’n in­tel­li­gen­sie-taak­span as­ook le­de van die bomopruiming-een­heid is na die to­neel ge­stuur. Die wa­pens is na die polisie se foren­siese afde­ling gestuur vir bal­lis­tie­se toet­se.
“Die po­li­sie is vas­be­slo­te om die oor­sprong van die wa­pens en am­mu­nisie vas te stel,” het bri­g. Hang­wa­ni Mu­laud­zi, polisie woord­voer­der, ge­sê. Met die ter perse gaan is daar nog nie­mand aan­gekeer nie.
Berigte oor ’n regse op­lei­dings­kamp in die Mook­go­phong-om­ge­wing is twee jaar gelede in die media gemaak. In No­vem­ber 2011 het die po­li­sie drie mans in heg­te­nis ge­neem wat glo kerke op Mook­go­phong en Mo­ko­pa­ne wou op­blaas. Ty­dens dié ar­res­ta­sies is daar beslag gelê op tuis­gemaak­te swaar­de en wa­pens met ys­ter­pun­te. — LiN Nuus/Die Pos