Groot opwinding by ovaal renne

Die Mokopane wedrenklub jaag volgende naweek weer resies op die Bosveld Oval.
By die laaste wedren was daar heelwat nuwe jaers op die podium wat gewys het dat daar niks skort met die omgewing se liefde vir spoed nie. Die vorige wedrenne se uitslae is soos volg: Die Rookies ren word gewen deur MJ Bekker, tweede - Edwin van Niekerk en derde - Roean van Breda. Louis Snyman wen die Stock rods. Willie Blignaut is tweede en Nico du Plessis - derde. Die 1660’s word gewen deur Ruan Maree, tweede is Fredrick 
Cooper en derde WF Weideman.  Jack Daniel wen die Pinto’s afdeling met Jaques Maree tweede en Banie Oelofse derde. Roelof van Breda wen die 2 Liter wedren en Stephan Weideman wen die Hotrods. WB en Rian van Niekerk is tweede en derde. Die vroue wedren wenner was Marlize Weideman met Liesl
Coetzer in die tweede plek en Wendy Delport derde.