DLU maak skoonskip by kongres
Ockert Scherman – DLU voorsitter ontvang die RF Camphor-trofee vir beste Distrikslandbou unie van die jaar vanaf die TLU SA President, Louis Meintjie.
Potgietersrus DLU is tydens die onlangse TLU-SA kongres aangewys as die beste Distrikslandbou unie van die jaar.
Dié DLU het skoonskip gemaak tydens die prysuitdeling by die TLU se gala-aand. WD Malherbe van WDM Boerdery het die Landbou Werkgewers Organisasie trofee ontvang.
Die Intfin-wisseltrofee vir sekretaresse van die jaar is toegeken aan Renita Prinsloo en Mari Marnevick.
Edward Leversage is aangewys as die President trofee wenner van die jaar. Sy pa, George Leversage, het die trofee namens hom in ontvangs geneem. Hy verower ook ‘n derde plek in die Manitou/Mutual & Federal jongboer van die jaar.
0 Comments