Baie ondersteun gholfdag vir boere

Met 152 gholfspelers wat mekaar verlede Donderdag op die Kameeldoring Buiteklub se gholfbaan opgekeil het, is span 2 van Garrun met 153 punte as die wenners verklaar. Dié span bestaan uit Hendrik de Swart, Walkie Kruger, De Wet Kruger en Floris Booysen.
Elandri Kelders se span bestaande uit Armanda Kruger, Ernst Kruger, Dries Horn en Micheal de Beer het die tweede plek ingeneem. Hulle het 151 punte aangeteken. Standardbank se span was derde.
Naaste aan die pen op putjie 3 was Stefan de Beer. Naaste aan die pen op putjie 6 was C. Botha. Naaste aan die pen op putjie 13 was M. Small en naaste aan die pen op putjjie 17 was Jan Klopper.
Die DLU het sy opregte dank uitgespreek teenoor al die borge wat bygedra het tot die gholfdag se groot sukses.