Gholfdag bring fondse in

MOKOPANE – Die Graad 9A en 11A’s van Hoërskool Piet Potgieter (HPP) het verlede Saterdag ’n Gholfdag by die Kameeldoring Gholfklub gehou om fondse in te samel vir hulle klasse wat later vanjaar aan die skool se kaskarwedren gaan deelneem.
Die wenners van Hoërskool Piet Potgieter se Graad 9A en 11A Gholfdag was Douw Ooshuizen en Bradley Pieterse gevolg deur Kobus en Janize van Staden in die tweede plek. Lukas en Vanessa Potgieter het die derde plek opgeraap en Erhard Spies en Riaan Blignaut het vierde geëindig.
Die organiseerders van die gholfdag het hulle dank uitgespreek teenoor al die borge wat hulle ondersteun het.