Maak ‘n verskil hierdie Kersfees

Die NG kerk Ellisras Wes en Graphica Printing beplan om Kerspakkies te skenk vir 12 meisies by Abraham Kriel kinderhuis wie hulle help met hul daaglikse benodighede.

Die kerk het vroeër hierdie jaar ‘n baie suksesvolle kaas- en wyn aand by die Mogolklub aangebied waar fondse ingesamel is om winterklere en ander benodighede vir die meisies te koop en wil graag ook oor die Kersseisoen ‘n verskil in die kinders se lewens maak. Die pakkies sal bestaan uit skryfbehoeftes wat die kinders volgende jaar vir skool moet gebruik en ook ‘n paar kuns goedjies waarmee die meisies hulself kan besig hou.

Indien enigiemand belangstel om ‘n bydrae te maak of betrokke wil raak by die projek kan hulle vir Lizette Perrier skakel by 082 857 3559.