Sakemanne ontferm hul oor bejaardes

MOKOPANE – Twee sakemanne van die dorp het hulleself oor die bejaardes in die dorp ontferm en uit hul eie sak die ouer garde met ’n spoggerige Kersete bederf.

 Die ete is in November by die Geloftefees terrein gehou vir bejaardes van Soetdoring, Herfsland en van die Piet Potgieter Monument Ouetehuis.

’n Spanpoging tussen Freddy Hawkins van Tradepost en Frans Grobbelaar van One Stop Body Shop met die ondersteuning van Pieter Vogel van Chops en Chives en ander vrywilligers het die harte behoorlik verbly met ’n spesiale smullekker Kersete uit die boonste rakke.

Hawkins en Grobbelaar sê dit was al ’n geruime tyd hulle droom om uit te reik na die dorp se goue oues en indien alles goed verloop sal dit ’n jaarlikse instelling word as deel van hulle verantwoordelikheid teenoor die gemeenskap.