Makro Polokwane maak hart oop

Makro Polokwane het Maandag gewys hierdie winkel het ‘n oop hand vir die gemeenskappe waarin hy sake doen toe die winkelbestuur aan die welsynsgaste van vyf media organisasies waaronder Noordelike Nuus geskenkbewyse van R5000 ter welwillendheid geskenk het.
Vir Estelle Diederichs van Kansa Mokopane was hierdie inkopiedag die geleentheid om broodnodige kantoortoerusting vir die plaaslike Kansa-tak aan te koop. Onder andere spog die kantoor nou met ‘n nuwe drukker/fotostaatmasjien, ‘n projekter vir Powerpoint-aanbiedinge en ‘n digitale kamera om al hul harde werk in piksels vas te vang. (Al wat nog kortkom is 'n skootrekenaar!)
Ander media groepe wat elk ‘n welsynsorganisasie na die inkopiedag gebring het was, Jacaranda FM, Capricorn FM, Noordelike Media en die Polokwane Observer.
“Dit is ons manier om terug te gee aan die gemeenskappe wat ons oor die afgelope maande sedert ons opening in September so goed ondersteun het,” het Makro Polokwane bestuurder, André Pretorius, tydens die verwelkoming van die welsynsorganisasies gesê.