Laerskool Bosveld Primary se rugbytoer

Laerskool Bosveld Primary se 1ste, 2de en O/11-spanne het vanaf 21-23 Maart deelgeneem aan die Sonskynvallei Rugbyweek op Marble Hall. Die 1ste span het al hulle wedstryde gewen. Hulle is ook aangewys as die beste span van die toernooi.
Die 2de span het al vyf hul wedstryde egter verloor, maar waardevolle ondervinding en wedstrydoefening opgedoen. Die O/11-span het vier van hul ses wedstryde gewen.
Die O/9 - en O/10-spanne het vanaf 25-27 Maart ook aan die Sonskynvallei Rugbyweek deelgeneem. Die O/10-span kon egter net 1 van hul ses wedstryde wen en een wedstryd was gelykop. Die O/9-span het ook net een van hul vyf wedstryde gewen en een gelykop gespeel.
Laerskool Bosveld se afrigters sien uit na ‘n goeie vertoning deur al hul spanne in die ligawedstryde van die tweede kwartaal.