Sakekamer vier sy 90ste bestaansjaar
Piet de Bruyn, geoktrooieerde rekenmeester en bestuurslid van die Mokopane Sakekamer, oorhandig hier die Entrepreneur van die Jaar-toekenning vir groot ondernemings aan Mornay en Riaan Koch van Gensol.
Die Mokopane Sakekamer het verlede Vrydagaand sy 90ste bestaans-jaar tydens ‘n spogdinee gevier. Die sakekamer het ook sy jaarlikse toekennings aan ondernemings wat presteer toegeken. Die geleentheid met die tema Van Toeka tot Nou, is by die Oasis hotel gehou.
Penny Heyns, gewese Olimpiese swemmer, was die gasspreker. Dr. Carolina Koornhof, president van die Afrikaanse Handelsinstituut, het die gaste teruggeneem na vroeër jare toe die dorp nog as Potgietersrus bekend gestaan het en hoe sake toe bedryf is.
Die besigheidskamer president Gerrit van der Veen het hom sterk uitgespreek oor die kamer se frustrasies met die plaaslike munisipaliteit en die gebrek aan samewerking van die owerheid se kant af. “Ons sal graag met die munisipaliteit wil saamwerk,” het hy gesê.
Hy het ook te velde getrek teen reg-stellende aksie en gesê statutêre instel-lings en korporatiewe organisasies versmoor klein plaaslike besighede met hulle aandrang op swart ekonomiese bemagtigingsteikens. “Dit is ‘n mislukte stelsel wat in ons kele afgedruk word,” het Van der Veen gesê.
Die Mokopane Sakekamer se wenners:
Netste Besigheidsontwikkeling -
Silverfern Office Park.
Beste bydrae gelewer aan die Gemeenskap - Frikkie Beytell (EMS).
Beste Gasvryheids-onderneming – Kameeldoring Gastehuis.
Sportspersoon van die Jaar -
Tersia Smit.
Verkoopspersoon van die Jaar - Renaaz Nadat (Oasis Hotel).
Entrepreneur van die Jaar (Klein ondernemings) - Elra van der Walt (Whatever Bakery).
Entrepreneur van die Jaar (Groot ondernemings) - Mornay & Riaan
Koch (Gensol).
Sakevrou van die Jaar (Klein
ondernemings) - Nedene van Niekerk (Nedene van Niekerk Balletskool).
Sakevrou van die Jaar (Groot
ondernemings) - Sandra Thomas-White (Torga Optical).
Sakeman van die Jaar (Klein
ondernemings) - Nico Willemse (Potties Nuus).
Sakeman van die Jaar (Groot
ondernemings) - Mohamed Essack (Oasis Hotel).
President toekennings:
Moorddrif Melkery vir hul 100ste bestaansjaar; Melt van der Spuy vir diens gelewer aan die Mokopane gemeenskap en Andy Goetsch vir diens aan die gemeenskap.
Spesiale toekenning: Nan Schoeman vir diens gelewer aan die Mokopane Sakekamer.
Penny Heyns, oud-Olimpiese wêreld-rekordhouer in swem, was die gasspreker.
Andy Goetsch, bestuurslid van die Sakekamer, Ray Bossenger en Gerrit van der Veen, voorsitter van die Mokopane Sakekamer.
Nico Willemse van Potties Nuus is aangewys as die Sakeman van die jaar (klein). Langs hom is Klasie le Roux van die Mokopane Sakekamer.
Sandra Thomas-White van Torga Optical wat die toekenning vir die Sakevrou van die Jaar ontvang het. Langs haar is Hilary Knight van die Mokopane Sakekamer.
Lorinda Dekker, onderwyseres aan die Hoërskool Piet Pot-gieter en Marcello do Santos, voorsitter van die Kameeldoring Tafelronde, was van die talle gaste wat Penny Heyns se boek gekoop het.
Mohamed Essack van die Oasis hotel ontvang hier sy toekenning as Sakeman van die Jaar (groot onderne-mings) van Andy Goetsch, bestuurlid van die Mokopane Sakekamer.
0 Comments