Wie se baba, bulletjie of blommetjie gaan dit wees?

Dis amper Bosveldfeestyd en daar heers groot opgewondenheid in die dorp. Almal maak reg vir die lekkerste fees ooit! Komaan Mammas en Pappas, dis ook weer tyd om te spog met daardie kleingoed van julle!
SPAR is weer die groot borg van die Bosveld Baba-, Bulletjie- en Blommetjie-kompetisie. Dit is die moeite werd om te kom spog met daardie kleinkind, nefie, niggie of kleinding! Daar is nog net twee weke oor, moenie langer wag nie!
Hierdie jaar is daar twee nuwe afdelings en die seuntjies en dogtertjies word op hul eie  beoordeel. Die kategorië is: 0-3 maande, 4-6 maande; 7-12 maande; 13-18 maande; 19-24 maande en 25-36 maande vir die babas. Die bekkigige kleuters vanaf 3-6 jaar kan deel neem in die Bulletjie- of Blommetjie-afdeling. Inskrywing is slegs R50 en vorms kan by die Hansie & Grietjie kleuterskool voltooi word.
Sluitingsdatum vir die kompetisie is Dinsdag, 18 Junie 2013 om 17:00 en die beoordeling word op Saterdag, 22 Junie 2013 gehou. Vir navrae bel Linque by
083 246 5496 of 014 763 4247.