Boerefees is hier!

Moet nie hierdie naweek se Boerefees by die veilingskrale in Lephalale misloop nie! Verrigtinge begin vanaand (Vrydag) met ‘n heerlike dans met musiek deur die Potties boeremusiekgilde. Toegang is R50 per volwassene en R10 per laerskoolkind. Vleispakkies sal te koop aangebied word.
Saterdagoggend kan inskrywings vir die 4x4 (R100 per voertuig met twee persone), vierwielfietse (R50 per persoon) en die braaikompetisie (R200 per span van twee) vanaf 07h00 tot 09h00 by die hekke gedoen word. Daar sal ook heerlike boersport, ‘n volkspele vertoning en vermaak deur Thys die Bosveldklong deur die loop van die dag wees. ‘n TV-skerm vir rugbyentoesiaste sal ook beskikbaar wees.
Sien gerus die Boerefees-bylae vir meer inligting.