Bid dat ons almal heel sal word’ - vra ouma

“Dis ’n ver­skrik­like tra­ge­die. Hier­die plaas sal sonder die twee dog­ter­tjies nooit weer die­selfde wees nie. Niks sal Bobo se plek vul nie en sy was die rede waar­om my klein­kind hier kom kuier het.”
Dit is hoe die ouma van ’n ses­jarige meisie die voor­val be­skryf waarin Si­bon­gile (Bobo) Ma­hlan­gu (5) in ’n skiet­on­ge­luk dood is. Die treur­spel het op Sa­ter­dag­middag, 24 Au­gus­tus, in hul huis op ’n pri­vaat na­tuur­reser­vaat buite Bela-Bela af­ge­speel. Die groot­ouers se twee klein­kin­ders het die naweek by hulle ge­kuier en Bobo en hul klein­dog­ter het in die huis ge­speel.
Bobo is dood nadat ’n koeël uit die .38 Special re­wol­wer van die ses­ja­rige se oupa haar in die gesig ge­tref het ter­wyl die twee kin­ders in die groot­ou­ers se kamer ge­speel het. Daar is nog geen dui­de­lik­heid oor wat pre­sies gebeur het nie en die po­lisie is besig om die fo­ren­siese ge­tui­enis te be­stu­deer om meer dui­delik­heid te kry.
Die meisie en haar groot­ouers se name word weer­hou om haar iden­ti­teit te be­skerm.
Volgens die ou­ma was dié twee kin­ders onaf­skeid­baar. “As my klein­kind hier by ons kom kuier het, was Bobo die een wat sy eer­ste gaan groet het. Bobo was net so tuis in ons huis en my klein­dog­ter weer in Bobo se huis. Sy was vir my soos my eie klein­dog­ter en sy het my ‘Ouma’ genoem.”
Die groot­ouers en Bobo se ouers bly ’n paar hon­derd meter van mekaar op die eien­dom. Bobo se stief­pa, Piet Moima, en die groot­ouers werk reeds 17 jaar saam op die plaas. Moima is voor­man en wild­be­waar­der en het vol­gens die ouma as’t ware voor hul oë groot­ge­word. Die groot­ouers bestuur die eiendom vir ’n sake­groep. Bobo se ma, Ti­nah Ma­hlan­gu, woon saam met haar man op die grond.
Die twee kin­ders het die ­mid­dag in “Ouma” se in­loop­kas ge­speel waar hulle soos “ladies opgedress” het met  haar hoë­hak­skoene en ju­wele. Hulle het vol­gens die ouma dik­wels in haar kamer “fancy dress” gespeel.
“Dit het soms soos ’n or­kaan in my kamer gelyk as dié twee klaar ge­speel het,” het die ouma ver­tel. Haar man, wat tydens die voor­val rugby in die huis gekyk het, was hout­gerus oor die kin­ders se doen en late. Die ouma was nie ten tyde van die voor­val tuis nie en Bobo se ouers was in Ham­mans­kraal.
Die groot­ouers vermoed dat die kin­ders teen die kas se rakke op­ge­klim het om by die oupa se hoede op die boon­ste rak uit te kom. Die vuur­wa­pen was op die derde rak van bo, onder klere ver­steek. Die oupa het die vuur­wa­pen die vorige aand uit die kluis gehaal en aan sy vrou ge­gee nadat die se­kuriteits­wag­te op die plaas ver­moed het daar is boos­wig­te in die om­trek. Hy is saam met die vei­lig­heids­wag­te na buite om on­der­soek in te stel. Die groot­ouers het vergeet om die vuur­wapen weer in die kluis te bêre.
Die ouma sê as die wa­pen nog op die bed­kas­sie gelê het, sou hulle nie ver­geet het om dit te bêre nie, maar hulle het dit juis die Vry­dag­aand in die kas ge­bêre sodat dit vin­nig by­der­hand sou wees, maar buite bereik van die kin­ders.
Die oupa het die mid­dag ’n skoot ge­hoor en gedink dit is dalk van die se­kuriteits­wag­te wat buite skiet omdat die wagte oom­blikke te­vore buite die huis was. Sy klein­dog­ter het hom egter kom roep met die woorde dat “iets vrees­lik ge­beur het”.
Die oupa het on­mid­del­lik mond-tot mond asem­ha­ling op Bobo toe­ge­pas nadat hy besef het wat ge­beur het.
Die on­ge­luk het om 16:45 die mid­dag plaas­ge­vind.
Die polisie en nood­dien­ste was volgens die ouma binne ’n half­uur op die toneel, maar Bobo was reeds dood met hulle aan­koms. Die polisie het ’n bera­der laat kom wat die­selfde aand nog siel­kun­dige by­stand aan die twee ge­sinne ver­leen het.
Ver­moedelik het die­selfde diewe wat die vorige aand op die plaas op­ge­merk is, die aand ná die skiet­voor­val terugge­keer en vyf son­pa­nele en vier bat­te­rye ge­buit.
Die groot­ouers is uiters ge­traumatiseerd deur die ge­beure en is bekom­merd oor hul klein­dog­ter se welstand. Sy ont­vang tans daag­liks be­ra­ding, maar vol­gens die ouma wil sy weet of haar oupa vir haar kwaad is oor wat ge­beur het.
“Dit breek ons harte,” sê die ouma.
“Daar is net so­veel goed wat ’n mens nou oor­wel­dig en ons is bekom­merd oor die wel­stand van Bobo se ouers. Dit was ’n vrees­like on­ge­luk. Ons fa­milies sal saam­staan deur hierdie on­beskryf­like pyn. Bid dat ons ook saam heel sal word,” het die ouma gevra. Die groot­ouers staan Bobo se ouers by met die be­graf­nis­reëlings.
’n Rou­diens vir Bobo is op Don­der­dag, 29 Au­gus­tus, op die plaas gehou, waar­ty­dens haar skool­maats van Spa Park Primary op Bela-Bela, waar sy ’n gr. R-leerder was, van haar af­skeid ge­neem het. Sy word môre, 30 Au­gus­tus, vanuit die Apo­sto­liese kerk in Bela-Bela township be­gra­we.
Die oupa het Maan­dagog­gend, 26
Au­gus­tus, in die plaas­like land­dros­hof
ver­skyn op drie aan­klagte: nalatig­heid met die ber­ging van ’n vuur­wa­pen, in­gevaar­stel­ling van ’n per­soon of sy eien­dom deur na­la­tige op­trede en ver­­suim om ver­ant­woor­delike ak­sie te neem om gevaar tot eiendom of ’n persoon te ver­my. Hy het R500 borg­tog
betaal en die saak is uit­ge­stel tot Don­derdag, 26 Sep­tem­ber.  — LiN Nuus/Die Pos