Nog ‘n kans om te registreer

As jy nie op 9 en 10 November kans gekry het om te registreer vir volgende jaar se verkiesing nie, is daar nog ‘n geleentheid om dit wel te doen.
Die OVK het onlangs aangekondig dat daar op 8 en 9 Februarie 2014 weer ‘n registrasie naweek sal wees. Intussen kan kiesers ook tydens kantoorure by die OVK kantoor by die munisipaliteit registreer om in volgende jaar se verkiesing te kan stem.
Die kieserslys sal waarskynlik na die Februarie registrasie naweek sluit sodra President Jacob Zuma die verkiesingsdatum aangekondig het. 
Vir meer inligting skakel die OVK se tolvrye nommer van 08:00 tot 17:00
daagliks by 0800 11 8000. Om uit te vind of jy geregistreer is vir die verkiesing SMS jou identiteitsnommer na 32810.