Bekende evangeliste in Mokopane

‘n Bekende sakeman van Mokopane, Rian van Heerden, het twee van die land se top evangeliste, Johnny Louw en Jacques Malan, genooi om ‘n weeklange konferensie en bediening in Mokopane te kom lei.
Beide Louw en Malan is oud-polisiemanne en gereelde sprekers by Angus Buchan se Mighty Men-saamtrekke en hulle tree ook gereeld by skole en ander Christelike saamtrekke op.
Hul program in Mokopane behels daaglikse seminare wat Woensdagaand, 22 Januarie, by die Potgietersrus Dienssentrum vir Bejaardes afskop.
Donderdag en Vrydagoggend is daar elke dag ‘n sake-ontbyt vir plaaslike sakelui. Saterdag se program begin reeds om 09:00 en hou aan tot 16:00 waarop ‘n afsluitingsdiens op Sondagoggend volg.
Louw en Malan hoop om die program met die tema: ‘Hoe lyk jou toekoms?’ ná Mokopane, ook in dorpe regoor die land aan te bied. Van Heerden, wat noue
vriendskapsbande met die twee evangeliste geniet, het hulle versoek om hulle nuwe seminaar hier af te skop.
Vir enige navrae kontak Rian by 082 967 8252.