Elektronika hoog op inbrekers sy lys

Verlede Vrydag is daar toegeslaan by ‘n huis in Hoogestraat waar inbrekers skootrekenaars, selfone, ‘n GPS, ‘n kamera, ‘n mikrogolfoond, ‘n draagbare televisie en ‘n hoeksnyer gesteel het.
Daar is oor die naweek ook onder andere by drie HOP huise in uitbreiding 17 ingebreek en nog ‘n huis in Rivierstraat in Chroom Park.
Inbrekers het ook in Maandagnag by die Spur in Thabo Mbekilaan ingebreek. Nadat hulle van die dakteëls verwyder het, het hulle deur die dak ingeklim en kontant en ‘n skootrekenaar buitgemaak.
Oor die naweek is daar ook by ‘n
besigheidsperseel in Simmentalerstraat in die industriële gebied ingebreek waar ‘n
rekenaar en luidsprekers gesteel is.
In Pretoriusstraat is die deur van Spies TV oop geforseer en kontant asook vier rolle elektriese dubbeldraad gesteel.
By ander persele in uitbreiding 17 is ‘n DVD speler en luidsprekers gesteel.
Enigiemand met inligting wat tot die inhegtenisneming van hierdie inbrekers kan lei word versoek om Lt.Kol. Kidebone Mashe-maite te skakel by 082 565 8629.