Vlooimark skop goed af

“Vlooimarkte is ’n algemene verskynsel in die stede en dikwels ’n heerlike tydverdryf vir naweke,” vertel Madelein Hansen, die organiseerder van Mokopane se nuutste vlooimark in die Meat City parkeerarea.
Sy sê dat sy graag aan Mokopane se mense iets wou bied om hul naweke interessant te maak. Die vlooimark het Saterdag afgeskop met sowat 26 stalletjies wat alles van smaaklike kos tot modelvliegtuie, ingelegte vrugte en
groente asook handgemaakte items uitgestal het. Plaaslike sangsensasie Mia Louw het die voete aan die jeuk gehad en verseker dat die atmosfeer vrolik bly.
Madelein beplan om die vlooimark twee maal per maand te hou en sê dat daar reeds ’n klomp nuwe uitstallers is wat hul stalletjies bespreek het.
Die volgende vlooimark is 19 Julie in die Meat City parkeerterrein.