Mooiste blom en bul gekroon

Die bekkige blommetjies en bulletjies wat hierdie jaar aan die Bosveldfees kompetisie in Lephalale deelgeneem het, het vele harte gesteel.
Dit was die onbenydenswaardige taak van die beoordelaar om ‘n wenner te kies uit vyf kostelike blommetjies en vyf pittige bulletjies.
Gedurende die finale uitdunne was daar met elk ‘n onderhoud gevoer en met baie selfvertroue is daar gesels oor hul gunste-
ling kos, hulle oulike juffrou, boeties en sussies wat soms lastig is en wie dan nou die kwaaiste in hulle huis is.
Hierdie jaar se blommetjie wenner is Boadecia Paten, eerste prinses Kera Prinsloo, tweede prinses Millisha Robinson. In die vierde plek was Lee-Mari Meyer en die vyfde plek Elize Kruger.
In die bulletjie afdeling het Viaud Bredenkamp met die louere weggestap, Caden Shepherd was tweede, Colin Robinson derde,  Phillip Loots vierde en  Francois Campher vyfde.