Perde karkasse is ‘n raaisel?

Die Dierebeskermingsvereniging in Mokopane het verlede week berig ontvang van perde karkasse wat in ‘n veld langs O R Thambo-rylaan gevind is.
Volgens Mariaan Wentzel van die DBV lê daar verskeie karkasse in die veld, maar niemand weet waar die diere vandaan kom nie. Sy vra dat enige persoon wat perde vermis of wat inligting rakende die karkasse het om die DBV te skakel.
“Hierdie is ‘n saak van erns, onder watter omstandighede het hierdie diere gesterf? Ons sal graag so gou moontlik agter die kap van die byl wil kom,” sê sy.