Jongman sterf in ongeluk

Gideon Prinsloo (22), beter bekend as Giepie, van Lephalale is Saterdag dood in ‘n motorfietsongeluk ná die jaarlikse Steenbokpan vierwiel pretrit. Prinsloo was saam met Marco Kuhn en Ivan van der Walt op pad na Kuhn se huis Noord van die Steenbokpan Winkel.
‘n Meisie, Natasha Joubert, wat vroeër die dag haar enkel seergemaak het, het saam met Prinsloo op sy motorfiets terug-gery. Hulle was oppad om die motorfietse te gaan bêre en Prinsloo se bakkie te gaan haal toe hy regs van die pad vermoedelik in ‘n stormwatersloot ingery het.
Prinsloo is kort na die ongeluk op die toneel oorlede en Joubert in die Meulmed hospitaal in Pretoria opgeneem.
Giepie was 'n geliefde inwoner van Lephalale. Vriende het hul medelye met sy familie op sy Facebook-blad betuig.