Geen arrestasies na moord en kaping

Geen arrestasies is gemaak na die kaping van die bussie vol toeriste van Botswana en die moord op die bestuurder, Tshepo Majadibodu, wie se lyk op verlede week in die bosse duskant D’Nyala gevind is.
Noordelike Nuus het in die uitgawe van 17 Oktober, oor dié voor­val op die voor­blad berig. Die bus­sie met bui­te­landse besoekers is op die betrokke Son­dag­aand deur kapers voor­ge­keer op die R33-pad tus­sen Vaal­wa­ter en Lepha­la­le, wat hulle voor­ge­doen het as lede van die Suid-Afri­kaanse Po­li­sie­diens (SAPD). Hulle was glo in vol­le­dige polisie-uni­forms geklee en het na ver­neem word ook ’n voer­tuig met ’n blou lig op ge­had.
Konst. Simon Makhu­vele, woordvoerder van die Vaal­wa­ter-polisie, het gesê ’n op­sporings­fir­ma van Bot­swana het hulle op die be­trokke Son­dag­aand ge­ska­kel en mee­ge­deel dat dit vir hulle vreemd is dat die bus­sie al vir ’n geruime tyd stil­gestaan het. Hulle kon die presiese plek aan die polisie ver­skaf waar die bussie staan.
’n Poli­sie­voer­tuig is na die Zandrift-grond­pad, onge­veer 15 km buite Vaal­wa­ter ge­stuur, waar die polisie op 20 ge­strande Bot­swana-burgers, almal vroue, afgekom het. Hulle is daar deur die kapers gelaat nadat hulle van hul sel­fone, ju­wele, kon­tant en ander waar­de­vol­le items be­roof is.
Dié vroue het aan die po­li­sie vertel dat die be­stuur­der van die 22-sit­plek bussie net buite Lephalale deur die ka­pers “in hegtenis” geneem is. Een van die kapers het toe self die bus­sie ver­der be­stuur tot buite Vaal­water.
Die plaaslike polisie het die saak aan die Polokwane tak oorgeplaas.
* Huis­in­brake is volgens Lefoka steeds aan die toe­neem in die Vaal­water-omge­wing. Die inbrekers tree nie geweld­da­dig teenoor in­woners op nie en hard­loop on­middel­lik weg sodra hulle in die huise be­trap word, maar dit is steeds trau­maties vir die slag­offers.
Tom du Toit, oud-on­der­wy­ser van Meetsetshehla Secondary School op Vaal­water, en sy vrou is op 18 Oktober, op hul plaas in die Wit­klip-omgewing beroof. Geluk­kig het die egpaar die rowers betyds in die huis gehoor en slegs vleis en kos is ge­steel.
Lefoka het verder aan gesê dat beeste ook die af­ge­lope tyd uit die ven­dusiekrale op Vaal­water gesteel is. Die polisie het reeds ’n ver­dag­te in heg­te­nis geneem.
Chris Venter, on­der­voor­sit­ter van die ge­meen­skaps­po­li­siërings­fo­rum in Vaal­wa­ter, waarsku boere en in­wo­ners om hul boor­gate toe te sluit. “Daar is on­langs twee boor­gat­pom­pe in ons sektor ge­steel. - LiN Nuus