Kerssang in Rassieland

“Ek juig oor God…Hy is my redder” was die tema vir die jaar se Kers sangaand van Laerskool Ellisras. Die funksie was ‘n pragtige voorbeeld van die skool se waardes en lese. Die verskeie grade het elkeen paar liedjies gekry om te sing en op party plekke het die mense in die gehoor sommer saam begin sing. Die geleentheid het van die mense se harte so geraak dat daar selfs ‘n traan of twee gestort is.
Die geleentheid vind jaarliks plaas en was die jaar ‘n reuse sukses, om 18:00 toe die funksie moes begin was daar nog mense wat buite die saal in rye gestaan het om in te kom en ‘n sitplek te kry, die saal was tot sy maksimum gepak en elkeen het die aand baie geniet.
Die revue groepe het opgetree en die skool se koor het ook gewys wat in hulle steek. Die skool is trots op elke leerder wat teenwoordig was en ook op die ouers wat hulle kinders so goed ondersteun in alles wat hulle doen.