Agri Lephalale soek ‘beste plaaswerker’

‘n Plaaswerker kompetisie gaan vroeg volgende jaar begin vir al die werkers op die plase in en om Lephalale.
Elke plaaseienaar het die kans om sy ‘beste werker’ in te skryf vir die kompetisie en die onderskeie deelnemers kan in verskillende afdelings deelneem en hulle sal dan beoordeel word op verskeie punte. Elke inskrywer sal ook ‘n geskenk ontvang om dankie te sê vir sy deelname en ondersteuning.  Die voorsitter van Agri Lephalale, Francois van den Berg, moedig boere aan om hul werkers in te skryf, “op die manier word die werkers gemotiveer om net hul beste te gee, omdat elkeen graag die kompetisie wil wen.”
Die geleentheid sal vroeg volgende jaar plaasvind en Agri glo dit sal ‘n groot sukses wees.