Man verdrink na hy van rotse spring

MOKOPANE - Livette Rambau Maudla (22) het Sondag by Tibani Lodge naby Mokopane verdrink toe hy en twee vriende in ’n dam by die oord wou swem.
Die drie het na verneem word van rotse af in die dam gespring.
Vriende van Maudla, wie se name nie bekend gemaak is nie, het aan polisie gesê hulle het Maudla na sy sprong nie weer gesien nie. Dit is verbode om in die dam te swem.
Personeel by die oord het gekies om nie kommentaar te lewer nie.