Rowers dra glo Polisie uniform

LEPHALALE - Die inwoner van ‘n huis in Krulblaarstraat in Onverwacht, Lephalale, is Maandag saam met haar tuinwerkers en bediende deur drie mans geklee in polisie baadjies oorval en beroof.
Die twee tuinwerkers is glo in die huis ingedwing waar hulle saam met die bediende en die vrou (sy wil nie haar naam gedoem hê nie) met kabelstroppe vasgebind is. Die rowers het glo aanhoudend aangedring op geld en die huis geplunder op soek na kontant.
Die vrou het daarin geslaag om die deur van die vertrek waarin hulle vasgebind is toe te druk en te sluit. Die tuiniers het toe ‘n buitedeur in dieselfde vertrek oopgebreek en al vier mense het na die bure gevlug vanwaar die polisie ontbied is.
Die drie verdagtes in ‘n silwer Volkswagen GTI op die vlug geslaan. Die Buurtwag se reaksiegroep en die Polisie was vining op die toneel en kort daarna is die paaie wat uit die dorp gaan afgebaken en is daar gesoek na die motor. Ongelukkig was al die pogings onsuksesvol en is daar teen druktyd nog geen arrestasies gemaak nie.