Bossies se atlete lewer puik prestasies

LEPHALALE - Laerskool Bosveld Primary se atlete het baie verbeter op hul prestasies van verlede jaar tydens die Streeksbyeenkoms wat verlede Vrydag by Lord Milner Primary op Settlers aangebied is. 16 Bossie atlete het vir die Limpopo Kampioenskappe gekwalifiseer. In totaal het die Bossies 15 eerste plekke, 7 tweede plekke en 7 derde plekke behaal. Dit is aansienlik beter as verlede jaar. Erika Swanepoel, die Atletiekorganiseerder, is baie in haar noppies met hierdie puik prestasie.