KKKF is 15 jaar oud

MOKOPANE - Dis die 15de Kierieklapper Kunstefees (KKKF)! Die jaar is dit ‘n kuier fees vir oud en jonk!  Die KKKF komitee beplan hierdie jaar ‘n nog groter en beter fees!  
Van 6 – 8 Augustus word die fees op HPP se gronde aangebied. Sondag die 9 Augustus kom almal bymekaar by die NG Hulp en Hoop en 10 Augustus vertrek die wild-kronkels, ‘n VAT 5 brêkfast met RSG se Derrich Gardner in die Dienssentrum se saal en ‘n 4 x 4 kompetisie wat Potties nog nie beleef het nie.
Hanna en Buster die Brak kom spesiaal van vêr om die kinders te kom vermaak en die feeskomitee beloof dat daar nog ander uitstekende kindervermaak gaan wees.
Onthou die KierieKlapper KunsteFees is die groot jaarlikse fondsinsameling vir die Potgietersrus Dienssentrum vir Bejaardes.  Uit die gemeenskap, vir die gemeenskap.  Ons maak staat op ons gemeenskap!
- Estelle Hartzenberg