Lephalale verloor 'n geliefde

LEPHALALE - Hardus van Emmenis, oud- polisie kaptein en welbekende inwoner van Lephalale is verlede Dinsdag oorlede in die Meulmed Mediclinic in Pretoria nadat daar komplikasies ingetree het terwyl hy in die Intensiewesorgeenheid opgeneem was.
Hardus is oorgeplaas vanaf die Lephalale Mediclinic na die Meulmed Mediclinic na wat as ‘n frats-ongeluk bestempel word toe sy pistool twee weke gelede geval het en ’n skoot afgevuur is wat hom in die bors getref het. Die koeël het glo minimale skade aangerig soos wat x-strale en skanderings wat in Pretoria gedoen is gewys het en hy sou waarskynlik teen die naweek ontslaan word. Hardus was besig om te herstel toe hy na afloop van ‘n skandering en klein operasie vermoedelik ‘n infeksie in sy longe opgedoen het. Hy is kort daarna oorlede.
Hardus het in 2013 uitgetree as polisie lid na 15 jaar diens en het geboer op sy plot buite Lephalale. Hy laat sy vrou, Madelyne, kinders: Stefan en Rolinda, agter.
Hardus sal onthou word vir sy passie as polisiebeampte, sy liefde vir sy gesin, familie en vriende.