Ma en kleuter beseer in botsing

MOKOPANE - ‘n Jong moeder van Mokopane en haar 4-jarige kleuter is Maandagoggend beseer toe ‘n vragmotor, na wat verneem word, ‘n rooi verkeerslig verontagsaam en teenaan hulle voertuig gebots het.
Paramedici van Riskmed het spoedig hulp verleen by die ongelukstoneel waar Venuscha Lee (4) en haar ma Shannon ‘n noue ontkoming gehad het.
Die vragmotor, vermoedelik van Zambië, het volgens ‘n noodwerker op die toneel, vanaf ‘n Suidelike rigting oor diè rooi verkeerslig op die hoek van Dudu Madisha en Retiefstraat gery toe die ongeluk plaasgevind het. Die Lee’s het van Oos na Wes gereis toe die vragmotor hulle voertuig op sy linkerkant tref.