Rowers brand los op man by sentrum

Twee gewapende rowers het Woensdagoggend losgebrand op ’n man in die Mokopane Mall se parkeerarea en hom van ’n onbekende kontant bedrag beroof.
Die rowers het volgens ’n ooggetuie vanuit ’n silwer BMW, op ‘n man wat klaarblyklik namens ’n onderneming in die dorp wou geld bank, geskiet en ’n sak met kontant wat hy by hom gehad gewelddadig van hom afgevat en op die vlug geslaan.
Paramedici het die slagoffer kort na die voorval in die parkeerterrein bygestaan.
Niemand is nog in verband met die voorval in hegtenis geneem nie. Die polisie se ondersoek duur voort.