Pot ondersteun kankerlyers

LEPHALALE – Pot Leefstyl Kafee het Dinsdag hulle ondersteuning aan kankerlyers gewys deur ‘n gratis kolwyntjie vir hulle kliënte uit te deel.
Om ‘n kolwyntjie te kry moes kliënte die naam van iemand wat kanker het of gehad het op hul hand skryf en ‘n foto neem vir Pot se Facebook blad.
Hilda Steenkamp, die eienaar van Pot, sê dat hulle soveel mense ken wat deur kanker geraak word en daarom besluit het om hierdie spesiale gebaar te maak. “Dit was ‘n ongelooflike lekker dag en dit het goed gevoel om ook ‘n bydra te kon lewer in die stryd teen kanker.”