SOS waarsku teen vermeende kapers

MOKOPANE - Special Operations Solutions (SOS) waarsku motoriste teen vermeende kapers op die Percy Fyfe pad. Hulle verwys na ’n jaagtog en skietery wat Dinsdag plaasgevind het.
SOS, die buurtwag en die polisie het Dinsdagmiddag drie verdagte mans agternagesit wat glo gebreekte bottelstukke op die Percy Fyfe pad gesit het om motoriste te laat spoed verminder om hulle glo te kaap. Die verdagtes is agtervolg na waar hulle in ’n diensverskaffer toring geskuil het. Volgens SOS se Martin van Eck het die verdagtes ook dopgehou wie hulle agtervolg en hulle het op reaksie lid, Willie Nel geskiet. Nel is ongeskonde maar het ook teruggeskiet.
Die verdagtes het daarin geslaag om te vlug en is steeds soek.