Motoris skrik hom boeglam nadat bakkie omslaan

MOKOPANE- ’n Motoris het hom Maandagoggend boeglam geskrik nadat ’n Colt bakkie by die kruising van Totiusstraat en Thabo Mbekirylaan voor sy oë omgeslaan het nadat die bestuurder daarvan beheer oor die bakkie verloor het. 

’n Man, (onbekend aan Noordelike Nuus) wat Maandagoggend ’n ongeluk sien gebeur het, was bleek in die gesig voor hy die ongelukstoneel verlaat het waarin ’n ander man die donkergroen bakkie waarin hy gery het laat omslaan het. Laasgenoemde man beweer hy het uitgeswaai vir ’n voertuig in Totiusstraat toe hy beheer oor die bakkie verloor. Die bakkie het oor die randsteen links van die pad geswenk en op sy sykant op die sypaadjie beland. Geen ander voertuie was in die voorval betrokke nie en niemand is beseer nie.