Gewapende rowers teiken klerewinkel

MOKOPANE – Die Exact klerewinkel in Thabo Mbekistraat is vanoggend deur drie gewapende mans van ’n onbekende kontant bedrag beroof. 
Mokopane polisiewoordvoerder, sersant Irene Masingi sê die mans het die winkel binnegegaan en voor ’n kliënt twee winkelassistente vasgebind, vuurwapens op hulle gerig en geld beveel. Die rowers het volgens ooggetuies glo in ’n grys Nissan Lavina in ’n Suidelike rigting gevlug. Die polisie kan egter nie laasgenoemde bewering bevestig nie.
 Die polisieondersoek die saak en versoek enige persoon met inligting om hulle te kontak by 015 409 1418/1419/1420 of 081 505 9340.