So dankbaar!

MOKOPANE - “Ons bekers loop oor van dankbaarheid teenoor die gemeenskap. Potties se mense het harte van goud,” só sê Mariana van Tonder, bestuurder van die Monument Ouetehuis nadat hulle oorweldig is met geskenkpakkies vir die bejaarde inwoners van die tehuis.
Van Tonder sê al 200 inwoners het Dinsdagaand ’n geskenkpakkie ontvang by die tehuis se Kersfees-ete. Sy sê dit is wonderlik om elke jaar te weet daar kan op die gemeenskap staatgemaak word.