HPG stuit inbrakers

CRECY - Die Heritage Protection Group (HPG), 'n groep vrywilligers wat saam met die polisie werk om veral plaasaanvalle te ondersoek, het Maandag, 9 Januarie, drie verdagtes vasgetrek wat vermoedelik by 'n huis op 'n plaas in die Crecy-omgewing ingebreek het.

HPG het die drie verdagtes se spore gevolg en een man wat sowat 25km van die toneel af homself in 'n gat van 'n afgebreekte silo probeer versteek het. Nog twee verdagtes is ook gearresteer en altesaam drie luggewere (air pistols) is teruggevind sowel as 99% van die gebuite eiendom wat die verdagte vasgelê het.

HPG het op hul Facebook-blad genoem dat twee van die verdagtes op die plaas gewerk het.
Geen beserings is aangemeld nie.

Woensdag, 11 Januarie, is nog 'n verdagte man deur HPG gearresteer na 'n gewapende roof by Lalapanzi Lodge by Uyskraal buite Marble Hall. Twee gewapende verdagtes het werkers aangehou en na beweing 'n TV gesteel. HPG en Lezmin Sekuriteit het die verdagtes se spore gevolg en die TV is teruggevind. Een verdagte is nog op vrye voet.