Voetganger gestamp

LEPHALALE  - Rosina Moatse is laat Maandagoggend deur ‘n voertuig in Walter Sisulu Rylaan raakgery. Moatse was besig om die pad oor te steek nadat sy gaan kos koop het by die kafee in die Onverwacht Besigheidsentrum, toe die ongeluk gebeur het.
Suster Elrie du Toit van die SA Bloedoortappingsdiens was vinnig op die toneel om te help en kort daarna het die ambulans opgedaag en Moatse is afgevoer na die provinsiale hospitaal. Moatse het slegs geringe beserings opgedoen en is op dieselfde dag uit die hospitaal ontslaan.