Goue sleutel vir oud-Rassie

Oudleerling en 2009 se hoofmeisie van Ellisras Hoërskool, Andrea Steenekamp, is die afgelope twee jaar ‘n student by die Universiteit van Pretoria waar sy BChD (Tandheelkunde) studeer. 
Sy het vroeër hierdie jaar die gesogte Golden Key ontvang en word op 20 Oktober ingehuldig as ‘n nuwe lid van dié organisasie.
Golden Key is ‘n internasionale nie-winsgewende organisasie met 400 takke in agt lande wat uitnemendheid onder begaafde studente erken en wat internasionale deure oopmaak vir werk- en projekgeleenthede.  Die Golden Key toekenning word slegs op uitnodiging aan studente gerig wat in die top 15 % van hul studieveld presteer en ook leiers op kampus en in die gemeenskap is. 
Andrea het ook onlangs ‘n merieteserfikaat ontvang vir haar 2010 studiejaar omdat sy meer as 75% in al haar vakke behaal het.