Maak skoon of betaal - Munisipaliteit

LEPHALALE - Oop erwe in dorpsgebiede gaan vanaf 12 November deur die munisipaliteit skoongemaak word en die eienaars van die erwe sal die rekening moet betaal. Dit volg nadat eienaars deur advertensies in die plaaslike media verlede week gewaarsku is.
R130 per kubieke meter is die koste wat van eienaars verhaal sal word vir erwe wat teen Vrydag 11 November steeds met rommel besaai is. Noordelike Nuus het met kamera in die hand deur die dorp gery en gevind dat baie oop erwe inderdaad soos asgate lyk.