Glad met die mond by redenaarskompetisie

Leerders van die Potgietersrus CVO Skool het tydens ’n onlangse BCVO landswye redenaars kompetisie en kultuurfees in Bloemfontein behoorlik uitgeblink. Hier is Potgietersrus CVO Skool se medalje- en trofeë wenners van die onlangse redenaars kompetisie en kultuurfees in Bloemfontein. Van links, Jan Harmse (skoolhoof), Lene Nel, Sume Venter, Lijon Spies, Pieter vd Merwe en Louis Boshoff. Sume Venter is aangewys as die Fase Wenner (graad 7-9) van die onlangse landswye redenaars kompetisie wat in Bloemfontein gehou is. Lijon Spies (middel) is die kategorie wenner vir Beeldende Kuns (graad 4-6). Heel links is Louis Boshoff wat ook tydens die onlangse senior Afrikaanse Olimpiade, wat deur die ATKV aangebied is, as die nasionale wenner aangewys is. Louis het 83.33% vir sy huistaal gekry en is ook die Limpopo wenner.