Musikante van formaat

MOKOPANE - Aan musiektalent is daar nie tekort by Laerskool Krugerpark nie. Leerders in hulle onderskeie grade het goed presteer by Hoërskool Piet Potgieter se onlangse Bosveld Musiekfees.  Zia Boltman en Aldrich Rossouw spog met die Mari Lourens Wisseltrofee vir junior ensemble. Hulle het albei ’n A++ vir hulle klavier items. Boltman het ook die Fruit & Veg City Wisseltrofee opgeraap en deel dit met Anyazé Strauss (10), ’n tuisleerder. Laasgenoemde trofee is vir hulle jazz instrumentale item.