Agt jaar se soet oorwinning

MOKOPANE - Hoërskool Piet Potgieter (HPP) se interhoër swemspan vier vanjaar hulle agtste oorwinning in die interhoër swemgala sedert 2008. By dié byeenkoms wat verlede Woensdag deur HPP op Bela-Bela aangebied is, het aflosspanne gesorg vir naelbyt oomblikke toe hulle rekords verbeter het en teen vyf ander hoërskole met 610 punte as die wenners gekroon is.
HPP se o/15 en o/16 aflosspanne het hulle uitstekend van hulle taak gekwyt nadat hulle die vryslag sowel as die individuele wisselslag rekords met 4 en 5 sekondes verbeter het.
Die span het vir Walkie Kruger bedank vir die borgskap van hulle swempette.
HPP wen Interhoër 2015 met 36 punte.
Anria Kruger – Junior Victrix Ludorum
Miral Honiball – Senior Victrix Ludorum
Miral Honiball – Hoogste FINA punte
Beste Seunsaflosspan – HPP
Interhoër swem uitslae:
Hoërskool Piet Potgieter - 610
Hoërskool Ben Viljoen - 574
Hoërskool Frikkie Meyer - 502
Hoërskool Warmbad - 425
Hoërskool Ellisras - 422
Hoërskool Hans Strydom - 353.