Puik resultate vir EHS atlete

MOKOPANE - Hoërskool Ellisras, Hoërskool Frikkie Meyer, Hoërskool Hans Strijdom en Hoërskool Piet Potgieter het mekaar op 23 Januarie die stryd aangesê tydens ‘n atletiek byeenkoms op Piet Pot se bane.
Hoërskool Ellisras het 22 eerste plekke ingepalm, 14 tweede en 22 derde plekke gedurende ‘n snikhete dag.
Loutjie Steenekamp seuns o/17 wen eerste plekke vir 400m, 200m, 100m, 110m hekkies, 400m hekkies, en die o/17 seuns wen ook eerste plek vir die aflos. Larissa Nel dogters o/17 wen eerste plekke vir 100m hekkies,100m, 400m. John Mogoloana seuns o/19 kry eerste plekke vir 110m hekkies, 400m, 400m hekkies, en tweede in 100m gekry.
Bernice Moller is 'n veelsydige atleet met eerste plekke vir 300m hekkies 90m hekkies en 100m en 200m. Charnè Vosloo (o/16) palm twee eerste plekke in met 100m en 200m. Gerrie Blom seuns o/16 is eerste in 100m en verspring.
- Fransa de Beer