Hardekool trots op hul kampioene

MOKOPANE - Die afgelope naweek het 16 van Hardekool Akademie se leerders gaan deelneem aan die Noord-Transvaal atletiekbyeenkoms in Mokopane. 
Die Hardies het hul skool se naam hoog gehou en kwalifiseer om aan die Suid Afrikaanse kampioenskappe te gaan deelneem wat op 19 en 20 Maart 2016 in Sasolburg plaasvind. 
Saterdag se goue medalje wenners was Michiel Venter, Neldri Ellis en WJ Ellis, Erisa du Toit, Helgard Muller en Michaela Venter. Silwer medaljes word verower deur Vicky-Lee Maartens, SH van Zyl en WJ Ellis, Sanél van Zyl, Helgad Muller en Michaela Venter. Brons medalje wenners is Vicky-Lee Maartens, Dewald Bronkhorst, Sanél van Zyl en Thea-Mari Nel.
Michiel Venter was die Victor Ludorum vir beste Laerskool seun asook beste baanatleet en stel ‘n nuwe turbospies record op met ‘n afstand van 16,06m. Michaela Venter was die Victrix Ludorum vir Laerskool dogters asook die beste veld atleet.