HPP woeker met wintersport

MOKOPANE – Hoërskool Piet Potgieter (HPP) se wintersport spanne het puik pres-teer tydens die afgelope naweek se wintersport. Die rugby se uitblinkers was die o/14 en o/15A-spanne. 
Die rugby, hokkie, netbal en tennis teen Hoërskool Hans Strijdom (HHS) sportuitslae is soos volg:
Rugby: HPP se o/14 span klop HHS met 4 punte (12-7). Pieter Venter was die speler van die wedstryd. Die o/15 A-span wen 48-0. Speler van die wedstryd is Meinrich Frauendorf.
Hokkie: HPP se o/14 A-span wen 6-0. Die speler van die wedstryd was Chanel van Deventer. Die o/15 A-span wen 10-0 met Wilmarie van der Westhuizen as speler van die wedstryd. Die o/16 A-span speel gelykop (2-2). Die tweede span wen 1-0 en hier was Phindile Tjale speler van die wedstryd. Die eerste spanne speel gelykop met Mirieck Griessel as speler van die wedstryd.
Netbal: ’n Skitterende 17-3 puntetelling laat HPP se o/14 netbalspan seëvier. Die o/15 span sorg vir opwinding met ’n puntetelling van 30-5. Paulina Mashishi was die speler van die wedstryd. Die o/16 span wen 10-8 met Kaletso Mantjane as speler van die wedstryd. Die tweede span kraai ook koning met 10-13 en die eerste span seëvier met 21-12. Mokgaetsi Mangongoa was die speler van die wedstryd.
Tennis: HPP se seuns eerste tennis span wen HSS 4-2. Die tweede seuns span teken 5 punte teenoor 1 punt aan. Die derde seuns span wen ook 4-2. Die eerste meisies span het 6-0 verloor.
Gholf: HPP se A- en B Gholf spanne speel gelykop teen Ellisras Hoërskool (EHS). Die C-span wen EHS 3-1. Die B- en C-span het ook hulle teenstanders (Heuwelkruin) geklop.