Mokopane skut maak skoonskip

MOKOPANE – Zelda Genis van die Potgietersrus CVO Skool het op 28 Mei tydens ’n uitnodiging luggeweer skietkompetisie teen 41 skuts van ander skole meegeding en behoorlik skoonskip gemaak.
Dié skut het eerste plekke in die 3p lê- staan- en kniel posisies behaal. Sy het ook goue medaljes verwerf in die 3p totaal, 3m Olimpies sowel as ’n algehele eerste plek in die o/21 sporter afdeling met ’n telling van 862 uit 1 000 punte.
Hier is sy saam met Potgietersrus CVO Skool se hoof Jan Harmse wat haar geluk wens met haar onlangse lug geweer skiet prestasies.