Trompoppies presteer provinsiaal

MOKOPANE – Laerskool Krugerpark se trompoppies het uitstekend presteer tydens hulle deelname aan die Limpopo Trompoppie Kampioenskappe wat verlede Saterdag op hulle tuisvelde gehou is.
Agt skole het aan die kampioenskappe deelgeneem waarvan twee hoër- en ses laerskole. Laerskool Krugerpark het drie silwer- en twee bronsmedaljes tydens die kampioenskap opgeraap. Hulle uitslae is soos volg:
Laerskool Krugerpark se Vlaggroep en pom/non prop groep behaal elk ’n derde plek (bronsmedalje).
Hulle Throwing prop groep en Small drill hoofleidster asook sub-leidsters verower elk ’n silwermedalje.
Laerskool Krugerpark se trompoppie afrigter en organiseerder Martie Viljoen ontvang ’n “Uitstekende Diens in Administrasie” toekenning (sertifikaat). Hulpafrigter Abea Kekana is vereer met ’n sertifikaat vir “Uitstekende diens in beoordeling”.